لبلبة باكية: أنا بحقق حلم والدتي وبتكرم وهي مش موجودة - تحيا مصر

0 تعليق ارسل طباعة

شهد مهرجان القاهرة السينمائي اليوم تكريم الفنانة لبلبة وذلك تقديرًا عن أعمالها المميزة طوال السنين الماضية.

تحيا مصر يرصد لكم تصريحات لبلبة بعد تكريها

وقالت لبلبة أثناء تكريمها: انا بشكروا وبحبكوا اوي وبشكر بلدي مصر ووزيرة الثقافة الدكتورة نيفين الكيلاني وحسين فهمي وبشكر جمهوري اللي شجعني وأنا طفلة ولغاية اللحظة اللي بكلمكوا فيها.
وتابعت: بشكر كل اللي اشتغلت معاهم من ممثلين وسيناريست ومخرجين وعمال اللي اتربيت في وسطهم بشكرهم أوي.

وأضافت: وبشكر كل زمايللي اللي فيه بيني وبينهم عشرة طويلة جدًا وبحبهم وهما كمان بيحبوني.

واستكملت: دايمًا لما ببص في الكواليس كنت بلاقي والدتي بتشجعني ومفيش مرة طلعت على المسرح ووالدتي مكنتش واقفة في الكواليس هقولكوا حاجة لما  كانوا بيعلنوا عن مهرجان القاهرة السينمائي كانت والدتي تقولي يا نونيا انتي هتتكرمي المرة دي ومش بيبقى فيه نصيب والسنة اللي بعدها  تقولي أنتي هتتكرمي المرة دي أنتي أكتر واحدة اشتغلتي واسمعي كلامي هتتكرمي ومش بتكرم.

وتابع باكية: دلوقتي أنا بحققلها أمنية هي مش موجودة وأنا بتكرم أنهاردة.

وأضافت: والدتي كانت حامل فيا وبتتفرج في السينما على فيلم وجالها وجع الولادة وبسرعه لحقوها ولو مكنتش اتلحقت كنت هتولد في السينما واللي حصل حاجة غريبة جدا كان يوم زي أنهاردة اتولدت.

تكريم كاملة أبو ذكرى

وشهد افتتاح مهرجان القاهرة السينمائي اليوم في دورته الـ 44 تكريم الفنانة لبلبة والمخرجة كاملة أبو ذكرى.

وقالت المخرجة كاملة أبو ذكرى بعد حصولها على جائزة فاتن حمامة : أنا مش عارفة أقول ايه ده حلم كبير مش مصدقه إنه بيتحقق دي حاجة مكنتش في خيالي، في امتنان وحب من كل الفنانين اللي قابلتهم واللي أمنوا بيا واللي مأمنوش بيا واثروا فيا.
وأضافت:مشوار طويل عمري كله قضيته في السينما 16 سنه في عشق وحب والمهرجان كنت بحلم بس ادخله دلوقتي أنا واقفه اتكرم، وكل التقدير والامتنان لكل فنان شوفتله فيلم أو مشهد اتعلمت منه حاجه كل فنان اشتغلت معاه وقدملي كتير زي نادرجلال، محمد خان، احمد زكي، نور الشريف وناس كتير قدمتلي دعم ووقفت في ضهري ووصلتني للحظة دي.

واختتمت: وبشكر بنتي وجوزي بشكرهم عشان تعبوا معايا ومجنناهم وبشكر أمي وابويا اللي لولاهم مكنتش هقف على المسرح هنا.
 

إخترنا لك

أخبار ذات صلة

0 تعليق