علاقة حب كبيرة أرتبطت بين الفنانة مها أبوعوف والموسيقار عازف الجيتار عمر خورشيد كثيرًا، ولكنها أكدت أنها أحبته جدًا وحزنت لوفاته.

وكانت مها أبو عوف الزوجة الرابعة الزوجة لخورشيد،  حيث تزوج قبلها من الفنانة ميرفت أمين، وكذلك من هويدا ابنة الفنانة صباح.

وتحدثت الفنانة فى تصريحات تليفزيونية عن قصة حبها مع زوجها عمر خورشيد قائلة:بدأت مها بالحديث عن بدايات معرفتها به، ورفض شقيقها عزت أبوعوف الزيجة في البداية، بسبب فارق السن بينهما": "كان قمر من جميع النواحي، راجل ودمه خفيف وبيحب الحياة جدا".

وأضافت الفنانة: "عزت انهار لفرق السن بس قلت أنا بحبه، ومكانش راضي لحد ما عمر كلمه وكلم أبويا"، وأوضحت أنّهما ارتبطا عاطفيا قبل الزواج ولم يعرف أحد بعلاقتهما.

وتطرقت أبوعوف للحديث عن حادث وفاته الغامض: "كان جايلي عشان يتعشى، وأنا عرفت الخبر متأخر، كلمت المكان اللي كان فيه قالولي مشي، وبعدين كلموني قالولي عربيته عملت حادثة عند أول طريق الهرم".

وأضافت: "وصلنا على المستشفى خرجونا برا وهو كان اتوفى، وبعدين قالولي إنّه متكسر ومتبهدل، أنا ساعتها كنت حامل ورحت مستشفى العجوزة"، وتابعت: "بطلت خروج وشغل حوالي سنتين ونص، عزت خدني بالعافية لتونس عشان نشتغل هناك، وكان ساعتها عمر صغير جدا عنده 38 سنة".

 وحكت عن حادث السيارة الذي رحل بسببه خورشيد "حساها فيها تعمد، الذبح اللي في رقبته ده مش من الإزاز، لما تمت معاينة العربية عرفنا إن الإزاز ينزل زي البودرة ميدبحش، لكن كان فيه جرح 30 سم في الرقبة مقطوعة، وريد مقطوع، الحادث غامض وعمرك ما هتعرف سعاد حسني اتوفت إزاي ولا أشرف مروان اتوفى إزاي ربنا هو اللي يعلم وهو اللي بيحاسب.

واكملت مها يوم الحادث عدت الساعة 2 ونص صباحا وهو مرجعش، فضلت مستنياه وبقت حوالي الساعة 4 لقيت صاحب المكان اللي شغال فيه بيقولي عمر عندك قلتله لأ، قالي هشوف واكلمك تاني، رجع كلمني وقالي مها عرفنا ان عمر عمل حادثة وحالته خطر واتنقل المستشفى، عزت وقتها كان بيشتغل في مستشفى العجوزة ده في 29 مايو 1981

يمكنك مشاركة الخبر علي صفحات التواصل