نشر في صحفيو صفاقس يوم 03 - 08 - 2024

ربما اكون من اكثر المؤمنين بالهيئة الجديدة للسي اس اس وبما فعلته لحدّ الان .. نعم ومازلت مؤمنا ... لكن وحتى في الوديات اشعر بوجع وقت نخسر بخماسية ... الله غالب انا نحبّ حتى بالدّود نربح ..وحتى اذا ما نربحش نتعادل ..وحتى اذا ما نتعادلش مانخسرش بخماسية ... لانو مفهومي للخماسية بسيط ..ما عندناش فريق واقف على ساقيه لا دفاعا ولا هجوما ...مرة اخرى نعرف اللي هي ودّيات ..اما انا الطبيخة نحبها كان على طاولة الاكل في الشتاء ..في الكورة نستعرف كان بمرقة البوري والحناش والمناني ..مفوحين بشوية زروب اوكي ..اما دون ذلك تولّي مريقة زورية .. والكبار يعرفو انو المرقة الزورية هي مرقة بلاش حوت .. واحنا اليوم بعد خسارة الخمسة امام الافريقي راهو كنا مرقة زوريّة ... وفي كل الاحوال عاشت السي اس اس والمجد لها .

.