كشفت التحقيقات في قضية وفاة الفنان تامر ضيائي، تفاصيل شجاره داخل المعهد القومي للأورام مع فرد أمن.

تحقيقات قضية وفاة الفنان تامر ضيائي

وحصل القاهرة 24 على نص تحقيقات القضية وجاءت أقوال فرد أمن معهد الأورام كالآتي: اللي حصل إن أنا شغال فرد أمن في المعهد القومى للأورام، ويوم الواقعة الساعة 10 الصبح وأنا واقف في شغلى لقيت المتوفى الفنان تامر ضيائي، جاي هو وزوجته وكانت على كرسي متحرك.

وأضاف: كان دور الفنان تامر ضيائي 421 والحالة اللي جوه العيادة رقم 420 وطلب منى إني أدخله جوه العيادة قبل الحالة اللى جوه ما تطلع وأنا قلتله يا افندم مش هينفع تدخل قبل الحالة اللى جوه متطلع، لقيته بيقولي إنت تسكت خالص ومتتكلمش وعايز يدخل وقفل الباب بالكرسي المتحرك.

وتابع: الناس اللى واقفة كانت بتقوله يا أستاذ في دور والناس واقفة بانتظام وهو مصمم يدخل وأنا قلتله لو سمحت انتظر على جنب لحد الحالة اللى جوه متطلع، ولقيته بيقولى أنا مش هاجي على جنب ومتتكلمش تاني، وراح رافع إيده عليا وضربني بالقلم على وشي.

وأوضح: رفعت إيدي علشان أحوش الضربة، وكان عايز يتهجم عليا لولا الناس المتواجدة في العيادة اتلمت وفضوا ما بينا والناس أخدوه ومشيو، وبعد العيادة بمسافة صغيرة وقع على الأرض والناس قالت أغمى عليه ودخلوه عيادة الضغط، وبعد كدة عرفت إنه راح على غرفة العناية المركزة وتوفي هناك وده كل اللي حصل.

.