قال محمود عبد المنعم كهربا لاعب الأهلي إنه مر بحالة نفسية سيئة بعد خسارة فريقه أمام باتشوكا المكسيكي، حتى أنه أخذ الكثير من الحبوب المنومة، مضيفا: "قولت يا رب ما أصحى.. وكان ممكن أموت نفسي".

أضاف "كهربا" خلال حلوله ضيفا على برنامج "الكورة مع فايق"، مساء الاثنين، مع إبراهيم فايق، المذاع عبر شاشة "MBC مصر2": "بعد ماتش باتشوكا، أنا قولت يوم القيامة قام ولا إيه! واللاعيبة خدوا مني الموبايل ومسحوا لي كل تطبيقات الموبايل ما عدا (واتس آب)".

تابع: "اللاعيبة كلهم كانوا جنبي وبيساعدوني في الأوتيل... ولحد اللحظة دي والله العظيم مش قادر أتعافى من الماتش ده".

أوضح: "روحت خدت منوم كتير عشان مصحاش حوالي 3 حبوب، وقفلت عليا الأوضة، والدكتور ميعرفش ولا حد يعرف، وكان موضوع مرعب وكلمت أبويا وأمي ونمت".

اختتم: "قولت يا رب ما أصحى.. وكان موضوع صعب بالنسبة لي، والله العظيم أنا كنت ممكن أموت نفسي في اليوم ده مش كلام.. مش حوار ضغط أنا متعود، لكن زعلت زعل غير طبيعي عمري ما هزعله في حياتي، لأني كنت عايز أوصل للنهائي وأفرح جمهور الأهلي".